Oʻzbekiston Fanlar akademiyasi Tarix instituti tashabbusi bilan Temuriylar tarixi davlat muzeyida akademik Karim Shoniyozovning 100 yilligiga bagʻishlangan “Elshunoslik tadqiqotlarining dolzarb muammolari” umummilliy yigʻini boʻlib oʻtdi.
     Ilmiy yigʻin yuzochdisida Tarix instituti direktori, akademik Azamat Ziyo soʻzga chiqib, akademik Karim Shoniyozovning ilmiy faoliyati va bugungi kunda elshunoslik sohasida qilinishi kerak boʻlgan masalalar haqida fikr bildirdi.
     Ilmiy yigʻin davomida akademik Karim Shoniyozovning shogirdlari va elshunoslik sohasida ilmiy tadqiqot olib borayotgan olimlar ham oʻz maʼruzalari bilan qatnashdilar.
     Tarix instituti "Etnologiya va antropologiya" markazi boshligʻi, tarix fanlari doktori, professor Adham Ashirov "Oʻzbek elshunosligining dolzarb muammolari" maʼruzasida elshunoslik sohasida erishilgan yutuqlar, mavjud muammolar va ularning yechimlari haqida maʼlumot berdi.
     Ilmiy yigʻin yakunida fikr almashuvlar va savol-javoblar boʻlib oʻtdi.