Bugun Tarix institutida lmom Termiziy xalqaro ilmiy-tadqiqot markazi bilan birgalikda "Imom Abu Iso Termiziyning 1200 yilligi"ga bagʻishlangan ellararo ilmiy yig'in boʻlib oʻtdi.
     Ilmiy yigʻin yuzochdisida Tarix instituti direktori, akademik Azamat Ziyo Imom Termiziyning boy maʼnaviy merosi, hadis ilmida tutgan oʻrni va uning faoliyatiga oid tadqiq qilinishi kerak boʻlgan masalalar haqida fikr bildirdi.
     Termiziy xalqaro ilmiy-tadqiqot markazi ilmiy xodimlari Jaloliddin Mirzayev "lmom Abu lso Termiziyning shaxsiyati", Umarali Oʻljayev "al-Jome" asarining to'liq nomi tadqiqi", Joʻrabek Choʻtmatov "Imom Termiziyning hadisshunoslikda eʼtirof etilgan ilmiy yangiliklari" va Tarix instituti kichik ilmiy xodimi Islom Boʻriyev "lmom Termiziyning astronomiyaga oid bilimlari" ilmiy maʼruzalari bilan qatnashib, Imom Termiziyning hayoti va faoliyati, hadis va fiqh ilmiga qoʻshgan hissasi, astronomiyaga oid qarashlari haqida maʼlumotlar berdilar.
     Ellararo ilmiy yigʻinda Turkiyaning Bandirma 17-sentyabr universiteti ilohiyot fakulteti dekani, professor Hikmat Atan "Bir muhaddis o'laroq lmom Termiziy va uning hadis ilmiga qo'shgan hissasi" va Zonguldak Bulent Ejevit universiteti ilohiyot fakulteti dotsenti Hikmatulloh Ertashlarning "lmom Termiziyning huquq sohasidagi hissasi" maʼruzalari ham tinglandi.
     Ilmiy yigʻin yakunida fikr almashuvlar va savol-javoblar boʻlib oʻtdi.