O‘zbekiston Respublikasi Vazirlar Mahkamasining 2024-yil 6-martdagi 137-F-son farmoyishiga binoan Fanlar akademiyasi Tarix institutida Navro‘z umumxalq bayramini nishonlash va Ramazon hayitini munosib o‘tkazish, "Yashil makon” milliy loyihasi doirasidagi koʻkalamzorlashtirish tadbirlarini davom ettirish, sog‘lom turmush tarzi hamda sanitariya-gigienik madaniyatini targ‘ib qilish maqsadida 2024-yil 16-18-mart kunlari «Obod va fayzli mahalla — yurt ko‘rki» shiori ostida umumxalq xayriya hashari o‘tkazildi. Umumxalq xayriya hasharida Tarix instituti hududi, koʻcha va yoʻlaklari tartibga keltirildi, daraxtlar oqlanib shakl berildi, ariqlar tozalandi.